Results

Ársskýrsla hlaupadagskra.is fyrir hlaupaárið 2025 auk þróunar frá 2023. Hlaup á Íslandi eru í hraðri sókn og má búast við áframhaldandi aukningu hlaupara á öllum aldri – fleiri hlaupa, ungt fólk er að taka meira þátt í hlaupum og viðburðirnir eru fjölbreyttari en nokkru sinni fyrr. Hlaupaárið 2025 Ársskýrsla hlaupadagskra.is fyrir hlaupaárið 2025 auk þróunar frá 2023 Hlaup á Íslandi eru í hraðri sókn og má búast við áframhaldandi aukningu hlaupara á öllum aldri – fleiri hlaupa, ungt fólk er að taka meira þátt í hlaupum og viðburðirnir eru fjölbreyttari en nokkru sinni fyrr. Geta þarf heimilda, hlaupadagskra.is þegar vitnað er í upplýsingarnar héðan. Hoppa beint í niðurstöður Sækja PDF Póstlistinn: Viltu fá fréttir og upplýsingar? Skráðu þig á póstlista hlaupadagskra.is Netfang Skráning Efnisyfirlit Ársskýrslan í tölum Ávarp: Hlaup eru lífstíll Helstu niðurstöður og samantekt Yfirlit hlaupaársins Skráningar í viðburði árið 2025 og þróun skráninga 2023-2025 Þátttaka erlendra ferðamanna Tengsl við aðrar greiningar og alþjóðlegar skýrslur Fyrirvarar, hugmyndir og heimildir hlaupadagskra.is/verslun Ársskýrslan í tölum 1 Fjöldatölur 141 hlaupatengdir viðburðir 263 vegalengdir í boði Götuhlaup: 53 Utanvegahlaup: 50 ITRA hlaup: 31 FRÍ vottuð hlaup: 21 2 Fjöldi hlaupinna kílómetra í hlaupum Götuhlaup: 356.396 km Utanvegahlaup: 248.522 km Úthaldshlaup: 39.530 km Víðavangshlaup: 1.472 km Samtals: 645.920 kílómetrar. =1,7 ferðir til tunglsins eða 16 hringi kringum jörðina. 3 Þátttöku aukning Fjöldi skráninga í hlaup: >45 þúsund (+25,1% milli ára) Fjölgun skráninga í hlaup 2023-2025 fór frá rúmlega 29 þúsund skráningum upp í tæplega 48 þúsund eða fjölgaði um 61% á tveimur árum 4 Aldur Meðalaldur fullorðinna hlaupara 2025: 39,19 ár (-1,1% frá 2024) Mest aukning 2023-2025 fullorðna er í aldursflokki 30-39 ára (fjölgun um 4700 eða um 64,2%) og 18-29 ára (fjölgar um 4400 eða +106.6%). 40-49 ára fjölgar um 2700 (eða 37%). 5 Fjöldi hlaupinna kílómetra í hlaupum Götuhlaup: 356.396 km Utanvegahlaup: 248.522 km Úthaldshlaup: 39.530 km Víðavangshlaup: 1.472 km Samtals: 645.920 kílómetrar. =1,7 ferðir til tunglsins eða 16 hringi kringum jörðina. 6 Þátttöku aukning Fjöldi skráninga í hlaup: >45 þúsund (+25,1% milli ára) Fjölgun skráninga í hlaup 2023-2025 fór frá rúmlega 29 þúsund skráningum upp í tæplega 48 þúsund eða fjölgaði um 61% á tveimur árum Topp hlaup 2025 Fjölmennustu hlaupaviðburðirnir Reykjavíkur Maraþon 16.119 (+22%) Midnight Sun Run 2.347 (+11%) Gamlárshlaup ÍR 1.777 (+18%) The Puffin Run 1334 (+20%) Hengill Ultra Trail 1085 (-15%) Hæsta skráningarhlutfall kvenna í viðburðum Lífssporið 69% Hraunhlaupið 68% Hólmsheiðarhlaup 65% Sólstöðuhlaup Æskunnar og Skógarbaðanna 64% Molduxi trail 64% Hlutfall kvenna er afgerandi hæst í vegalengdaflokkum á bilinu 6 til 16km og að jafnaði yfir 70% Hæsta skráningarhlutfall kvenna í einstökum vegalengdum Fjarðarhlaupið 12km 88,89% Þórsgata Volcano Trail Run 4.5km 84,62% Utanbrautarhlaup 7km 80,0% Hólmsheiðarhlaup UltraForm og Fram 6km 77,21% Hvítasunnuhlaup Hauka 14km 74,01% Hæsta skráningartlufall karla í viðburðum Skúli Craft bar hlaupið 72% Vormaraþon 68% Haustmaraþon 67% Snæfellshlaupið 63% Powerade vetrarhlaupin nr. 5 63% Hæsta skráningarhlutfall karla í einstökum í vegalengdum Haustmaraþon 42,2km 87% Hafnarfjall Ultra 36,2km 84% Akrafjall Ultra 27,0km 81% Pósthlaupið 50km 80% Hengill Ultra Trail 106km 79% Karlmenn eru að jafnaði í meirihluta í lengri vegalengdum svo sem maraþonum og yfir 27km utanvegahlaupum, þá oft yfir 78%. Sturlaðar staðreyndir: Ef hlaupari hefði tekið þátt í eins mörgum skipulögðum hlaupum og mögulegt er 2025 og hlaupið alltaf lengstu vegalengdina myndi hann hafa getað tekið þátt í 45 hlaupum, hlaupið þar 656km sem hefði tekið hann um 87 klukkustundir, byggt á 7.5km meðalhraða á klukkustund. Ef hlaupari myndi hefði bara tekið þátt í 10km hlaupum hefði hann geta tekið þátt í 12 hlaupum og hlaupið 120km. Ávarp: hlaup eru lífstíll Hlaup eru ekki lengur eingöngu keppnisíþrótt fyrir lokaðan hóp stuttbuxnaklæddra horgrinda sem keppast um að yfirstíga mjólkursýruþröskuldinn til að landa lárviðarkransi. Hlaup eru komin í hóp sjálfsagðra leiða til að bæta líkamlega og andlega heilsu. Hlaup á Íslandi hafa á síðustu árum orðið sífellt fjölbreyttari og sýnilegri þáttur í íslensku íþrótta- og útivistarlífi. Stórir hlaupaviðburðir hafa stækkað ár frá ári en á sama tíma fjölgar hlaupum af öllum stærðum og gerðum allt árið um kring. Hlaupin eru af öllum tegundum, frá stuttum skemmtiskokkum í þéttbýli yfir í krefjandi utanvegahlaup í óbyggðum landsins. Þau eru fjölskylduhlaup, styrktarhlaup og stórar keppnir sem laða að bæði innlenda og erlenda þátttakendur. Hlaup eru orðin vettvangur hreyfingar, heilsueflingar, samfélagslegrar þátttöku og upplifunar af íslenskri náttúru og mannlífi. Til að styðja við þessa þróun og bæta yfirsýn yfir hlaup á Íslandi hefur hlaupadagskra.is frá janúar 2025 gegnt lykilhlutverki í samræmingu og miðlun upplýsinga um hlaupaviðburði um land allt. Markmið hlaupadagskra.is er að veita hlaupurum, hlaupahöldurum, hlaupasamfélaginu, fjölmiðlum og öðrum hagsmunaaðilum áreiðanlega og uppfærða heildaryfirsýn yfir hlaupaárið, óháð tegund hlaupa, árstíma eða landshluta. Skýrslan „Hlaupárið 2025 – hlaupadagskra.is“ byggir á þeirri yfirsýn og markvissu utanumhaldi viðburða frá upphafi árs með söfnun tölfræði um hlaupasamfélagið í heild. Stefnt er á að gera árlega skýrslu héðan í frá til að fylgjast með vexti og þróun samfélagsins. Skýrslan dregur saman lykiltölur, þróun og einkenni hlaupaársins 2025 og varpar ljósi á umfang, fjölbreytni og dreifingu hlaupa á Íslandi. Gögnum var safnað frá viðburðahöldurum, viðburðaskráningaraðilum, samstarfsaðilum og úr erlendum upplýsingagrunnum til að gefa sem víðtækasta mynd af árinu 2025. Í þessari fyrstu skýrslu er einnig gerður samanburður aftur í tímann frá tveimur síðustu árum 2023 og 2024. Skýrslan er ætluð sem grundvöllur fyrir greiningu, stefnumótun og samtal um framtíð hlaupaviðburða á Íslandi, með það að markmiði að efla hreyfingu, aðgengi og gæði hlaupa fyrir alla. Sérstakar þakkir fá Corsa, Tímataka og Þórhallur Helgason fyrir aðstoð við gagnaöflun og vinnslu en við viljum einnig þakka fjölmörgum fyrir gott samstarf á árinu svo sem fjölmörgum hlaupahöldurum, Félagi Maraþonhlaupara, ÍBR, FRÍ, Náttúruhlaupum, Hlaup.is og sjálfboðaliðum í ýmsum verkefnum. Geta þarf heimilda, hlaupadagskra.is þegar vitnað er í upplýsingarnar úr skýrslunni. Með kveðju Stuttbuxnabræður, Óskar Þór Þráinsson og Tómas G. Gíslason hjá hlaupadagskra.is Helstu niðurstöður og samantekt Hlaup á Íslandi hafa tekið stökk á síðustu árum. Gögnin sýna gríðarlega aukningu í bæði fjölda viðburða og skráninga frá árinu 2023 eða um 61% á tveimur árum úr 29 þúsund í 48 þúsund skráningar. Það staðfestir að hlaup eru í dag ein hraðasta vaxandi hreyfing landsins. Þessi vöxtur er ekki bundinn við eina tegund hlaupa eða afmarkaðan hóp, heldur nær yfir allt hlaupasamfélagið. Sérstaklega er áberandi mikil fjölgun í yngri aldurshópum þar sem þáttaka hefur allt að tvöfaldast á tveimur árum, bæði meðal barna, ungmenna og ungs fullorðins fólks. Lang mest fjölgar 30-39 ára sem er fjölmennasti þátttökuhópurinn. Vöxturinn er hvað mestur í skemmtiskokki og styttri vegalengdum, sem bendir til þess að hlaup séu að festast í sessi snemma á ævinni sem aðgengileg og jákvæð hreyfing. Þetta gefur sterkar vísbendingar um langtímaáhrif á lýðheilsu og framtíðarþátttöku í íþróttum og útivist. Á sama tíma einkennist hlaupaárið af miklum fjölbreytileika viðburða og fjölbreytni í formi og framkvæmd hlaupa. Hlaup á Íslandi spanna allt frá stuttum og óformlegum fjölskylduviðburðum yfir í krefjandi utanvegahlaup, úthaldshlaup og alþjóðlega vottaðar keppnir. Vegalengdir, landslag, árstímar og markhópar eru ólíkir, sem gerir hlaup að einni fjölbreyttustu íþróttagrein landsins. Þótt stuttar vegalengdir séu algengastar sýna gögnin jafnframt stöðugan og tryggan áhuga á lengri vegalengdum, einkum í utanvegahlaupum. Kynjahlutföll eru almennt jöfn og í mörgum tilvikum eru konur í meirihluta, sem undirstrikar aðgengi og samfélagslegt eðli hlaupa á Íslandi. Aukning erlendra þátttakenda um 80% á tveimur árum styrkir enn frekar myndina af hlaupum sem hluta af áfangastaðaímynd Íslands og eru mikil tækifæri í sókn fyrir hlaup á alþjóðlegan markað. Stór götuhlaup halda áfram að laða að flesta erlendu hlauparana, á meðan utanvegahlaup sýna hlutfallslega hraðan vöxt og auka sýnileika Íslands sem einstaks hlaupastaðar í íslenskri náttúru. Í heild sinni sýnir ársskýrslan að hlaup á Íslandi eru í öflugum vexti, bæði í umfangi og fjölbreytni. Skýrslan leggur grunn að reglulegri, gagnadrifinni yfirsýn yfir hlaupaár landsins og styður við áframhaldandi greiningu, stefnumótun og samtal um hlutverk hlaupa í samfélagi, lýðheilsu og ferðaþjónustu. Niðurstaða Hlaup á Íslandi eru í hraðri sókn og má búast við áframhaldandi aukningu hlaupara á öllum aldri – fleiri hlaupa, ungt fólk er að taka meiri og meiri þátt í hlaupum og viðburðirnir eru fjölbreyttari en nokkru sinni fyrr. Yfirlit hlaupaársins - greining viðburða Árið 2025 voru skráðir 141 hlaupatengdir viðburðir á hlaupadagskra.is . Hver viðburður getur innihaldið eina eða fleiri vegalengdir. Skilgreining hlaupadagskrá á hlaupaviðburði: “Skipulagður viðburður sem byggir á hreyfingu tengdri skokki eða hlaupi og býður hópi fólks að koma og taka þátt annað hvort gegnum skráningakerfi eða með mætingu á tilteknum tíma og stað og fara ákveðna leið.” Þessi skilgreining er viljandi víð til að ná jafnt utan um formlega skipulagða keppnisviðburði en líka óformlega almenna viðburði svo sem styrktarhlaup og fjölskylduviðburði en alla jafna ekki öll samskokk, facebook- eða einkaviðburði nema sérstaklega sé óskað eftir skráningu þeirra. Hlaupatengdir viðburðir eru flokkaðir í tegundir. Það eru: Götuhlaup (Mestmegnis malbik eða götur) Hindrunarhlaup (Óhefðbundin hlaup með stöðvum eða hindrunum) Rathlaup (Rathlaup þ.e. íþróttin Orienteering) Skemmtiskokk (Óformleg hlaup eða styttri vegalengdir) Styrktarhlaup (Hlaup sem eru fyrst og styrktarhlaup án keppni) Utanvegahlaup (Náttúruhlaup þ.e. mestmegnis utan götu) Víðavangshlaup (Hlaup þar sem braut er skilgreind sem “cross-country”) Hvert hlaup er skráð við einn flokk eftir því lýsingu viðburðar eða því sem best á við. Dreifing og tegund viðburða eftir mánuðum Hlaupatímabilið : Það kemur ekki á óvart að háannatími hlaupa er að sumri og snemma hausts. Myndritið hér að neðan sýnir dreifingu mismunandi hlaupategunda yfir mánuði ársins og sýnir greinilega árstíðabundnar breytingar á hlaupadagatalinu. Há-hlaupa-tímabilið (Run season) : Tímabilið frá maí til september er virkast, með 95 af 141 hlaupi (um 67%). Júní er annasamasti mánuðurinn með 22 hlaup, fylgt á eftir af maí, ágúst og september (18-19 hlaup í hverjum mánuði). Júni og júlí eru þeir mánuðir sem dagsbirtu gætir nær allan sólahringinn þannig að þetta kemur ekki mikið á óvart. Utan háannatíma (Off season) : Vetrarmánuðirnir (janúar, febrúar og nóvember) hafa aðeins 5 hlaup hver. Minnsti hlaupamánuðurinn er nóvember. Árstíðabundin hlaupategund: Utanvegahlaup eru mest áberandi í sumarmánuðunum (júní til ágúst), á meðan Götuhlaup halda jafnari fjölda allt árið, sérstaklega utan háannatíma. Götuhlaup og utanvegahlaup: Nánast jöfn skipting er á milli götu- og utanvegahlaupa og mesti fjöldi þeirra á höfuðborgarsvæðinu. Vinsældir tegunda: Götuhlaup og Utanvegahlaup eru nánast jafnar sem algengustu hlaupategundirnar, með 53 og 50 viðburði á síðasta ári. Þetta bendir til mikils áhuga á bæði hefðbundnum götuhlaupum og utanvega viðburðum. Skemmtiskokk fylgja í kjölfarið sem þriðja algengasta tegundin með 19 viðburði. Skemmtiskokk er þó í raun vantalið því skemmtiskokksvalkostir gert verið innan einstaka viðburða. Landfræðileg áhersla: Meirihluti hlaupanna (70 af 141) eru haldin á Höfuðborgarsvæðinu . Næst vinsælasta svæðið, Norðurland , með 26 hlaup. Þótt 5km og 10 km hlaup séu algengustu vegalengdirnar er áberandi mikill fjöldi viðburða sem fellur undir skemmtiskokk með öðrum vegalengdum. Vegalengdir: Samtals eru um 235 vegalengdir í boði yfir öll 141 viðburði ársins. Sumir viðburðir bjóða upp á eina vegalengd en aðrir alveg upp í sjö. Stysta mælda vegalengdin var 0.8 km en sú lengsta 106 km ef frá eru talin bakgarðshlaupin þar sem hlaupið er enn lengra eftir úthaldi og erlendur hlaupaviðburður með 250 km á nokkrum dögum. Stuttar vegalengdir (5km og 10km) eru algengustu vegalengdirnar heilt yfir. Flest hlaupin eru skráð í vegalengdaflokknum <10km, þ.e. 10km eða styttra samtals 36 hlaup. Þegar litið er á sérstakar vegalengdir sem boðið er upp á, eru styttri og aðgengilegri kostirnir algengastir. Helstu vegalengdir: 5 km og 10 km vegalengdirnar eru oftast skráðar, báðar birtast 43 sinnum í árslistanum. Maraþon vegalengdir: Hálfmaraþon (21,1 km) er í boði 8 sinnum, og heilt maraþon (42,2 km) er í boði 7 sinnum Vottanir: Þótt flest hlaup séu götuhlaup er fjöldi hlaupa sem eru með ITRA vottun 30 talsins á meðan fjöldi hlaupa vottaðra af Frjálsíþróttasambandi Íslands (FRÍ) eru 19. Þetta bendir til tiltölulega sterks samfélags og skipulags á fjallahlaupum á Íslandi og áhuga bæði á vönduðum utanvegahlaupum og tengsl við ITRA kröfur fyrir skráningu í Laugavegshlaupið. Götuhlaup: Götuhlaupaviðburðir voru 53 sem skiptust í fjölmargar vegalengdir. Af þeim buðu 27 upp á 5km, 26 upp á 10km, 7 upp á 21,1km og 5 upp á 42,2km. Næstum 60% götuhlaupa fara fram á höfuðborgarsvæðinu en í öðru sæti er Norðurland með um 19%. FRÍ vottanir “Úrslit götuhlaupa eru ekki viðurkennd til afreka og þar með skráningu á afrekaskrá nema að uppfylltum skilyrðum reglugerðar Frjálsíþróttasambands Íslands um framkvæmd götuhlaupa.” Á vef Frí má finna þau hlaup sem fengu vottun á árinu: https://fri.is/hlaupamal/gotuhlaup-vidurkennd-framkvaemd/ Fjöldi FRÍ vottaðra viðburða: 19. Samtals voru um 23 þúsund skráningar í FRÍ mæld hlaup sem nær yfir 74% þátttakenda af öllum götuhlaupum. Utanvegahlaup: Utanvegahlaupatímabilið stendur yfir frá apríl yfir í lok september með flest hlaup yfir hásumarið í júní, júlí og ágúst. Mikið úrval vegalengda er í utanvegahlaupaviðburðum á Íslandi allt frá 1.4 km upp í 106km og eitt meira að segja býður upp 250km. Þá eru ekki meðtalin bakgarðshlaupin. ITRA stig: ITRA-stig eru einkunn sem gefin er tiltekinni vegalengd í ITRA vottuðum utanvegahlaupum. Þau eru reiknuð eru út frá lengd, heildarhækkun og heildarerfiðleika brautar. Þau hjálpa hlaupurum að bera saman hlaup, meta álag og uppfylla mögulegar lágmarkskröfur til dæmis í Laugarveg Ultra. Hér má sjá lista yfir íslensk ITRA hlaup: https://itra.run/Races/FindRaceResults Á Íslandi var 31 utanvegahlaupaviðburður af 50 (eða 62%) sem bauð upp á ITRA stig á bilinu 0 til 4 stig. Utanvegahlaup dreifast mun jafnara um landið en önnur hlaup. 13 þeirra eru á Höfuðborgarsvæðinu, 12 á Suðurlandi og 10 á Norðurlandi. Utanvegahlaup eru einnig með landshlutaflokkinn miðhálendi og 3 hlaup þar. Skráningar í viðburði árið 2025 og þróun skráninga 2023-2025: Það hefur ekki farið fram hjá neinum að hlaup hafa sótt í sig veðrið á síðustu árum og þátttaka aukist verulega. Engar formlegar tölur hafa verið teknar saman um fjölda hlaupara á Íslandi. Í þessum kafla er í fyrsta sinn safnað staðfestum upplýsingum til að sýna fram á þátttöku í skipulögðum hlaupum. Fengin voru gögn frá tveimur stærstu skráningaraðilum á Íslandi Timataka.is og Corsa.is . Gögnin innihalda yfirlit yfir allar skráningar í skipulögð hlaup flokkað eftir aldri, kyni og þjóðerni. Lögð var umtalsverð vinna í að samræma gögnin, bæta við upplýsingum um dagsetningar, vegalengdir og frekari lýsigögn tengd viðburðum. Gögnin eru ólík kaflanum hér á undan að þau innihalda eingöngu upplýsingar úr skráningum hlaupa þessara fyrirtækja en ekki aðra viðburði sem notuðust við önnur kerfi eða birtu upplýsingar á eigin vefsíðum eða á samfélagsmiðlum. Fyrirvararar: Um er að ræða allar skráningaupplýsingar hlaupa jafnvel þótt hinn skráði hafi ekki sótt númer, ekki mætt í hlaup eða ekki lokið keppni. Einnig er að finna skráningarupplýsingar hlaupa sem ekki birta úrslit á opinberum vettvangi en þó ekki öll þeirra. Tölur geta því verði frábrugðar og eru að jafnaði hærri en kynnt úrslit. Vegna persónuverndasjónarmiða er ekki er mögulegt að greina fjölda einstaklinga sem liggja að baki þessarra skráninga. Þessar upplýsingar gefa þó bestu mögulegu yfirsýn yfir skráningar í hlaup á Íslandi og þar að leiðandi stærð hlaupasamfélagsins sem hægt er að bera saman milli ára. Hlaupatölfræði skráninga 2025: Mældir viðburðir voru 106 (þar sem þátttaka var skráð og birt opinberlega) af 141 viðburði á dagskrá. Skráningargögnin ná yfir 87 af þessum 106 viðburðum. Skráningargögnin ná yfir 195 aðgreindar vegalengdir í 87 viðburðum. Fjöldi þátttökuskráninga í alla mælda viðburði 2025 sem birtir voru opinberlega voru 45,047 þátttakendur. Í skráningargögnunum sem ná yfir 87 birta og óbirta viðburði er að finna 47.769 skráningar. Talið er líklegt að aðrar skráningar sem ekki koma fram í þessum tölum séu á bilinu 3-6.000. Kynjahlutföll skráninga: KK: 51,1%, KVK: 48,8% Annað: 0,1 % fyrir alla aldurshópa Kynjahlutföll skráninga fullorðinna (18 ára og eldri) KK: 48,3% KVK: 51,5% Annað: 0,1% Heildarfjöldi hlaupinna kílómetra í mældum hlaupum með birtum úrslitum var: 634.591 km. Fjöldi skráninga í hlaup: Gríðarleg aukning hefur verið í þátttöku í skipulögðum hlaupaviðburðum. Auking í heild á skráningum 2023-2024 var 30,8% og 25,1% frá 2024-2025. Skráningum fjölgaði um 61% á tveimur árum frá rúmlega 29 þúsund upp í tæplega 48 þúsund. Mest fjölgun á þátttakendum er í götuhlaupum, utanvegahlaupum og skemmtiskokki en mesta hlutfallsaukninguna er að finna í hundahlaupum, skemmtiskokkum og víðavangshlaupum. Kynjaskipting og aldur: Aldurshópurinn 30-39 ár er lang stærsti aldurshópurinn. Næst á eftir kemur 40-49 ára og þar á eftir 18-29 ára. Aldursflokkarnir 30-49 ára telja 49.2% skráninga eða nær helming. Kynjahlutföll mælast nær jöfn heilt yfir skráningar. Hæst hlufall karla er í aldursflokkinum 80 ára og eldri en mjög fáir einstaklingar eru þar að baki (32 einstaklingar). Karlar eru fleiri yngri en 14 og eldri en 60 ára. Hæsta hlutfall kvenna er í aldursflokkinum 40-49 ára og þær eru fleiri á aldrinum 18-59 ára. Elstu hlauparar Íslands 2025 eru 86 ára en yngsti ekki náð fyrsta aldursári og hefur líklega tekið þátt í hlaupi með foreldrum í kerru. Meðalaldur allra hlaupara 18 ára og eldri er 39.19 ár fyrir árið 2025 og hefur lækkað um 1.11% síðan árið á undan. Meðalaldur hefur farið lækkandi og hefur lækkað um 3.64% á tveimur árum. Þróun skráninga eftir aldri: 30 - 39 ára er stærsti hópurinn árið 2025 með tæplega 13.000 skráningar 2025. Stærstu aldurshóparnir 2025 eru í stærðarröð 30 - 39 ára, 40-49 ára og 18 - 29. Af öllum flokkum er mesti og stöðugi vöxturinn í flokki 30-39 ára (aukning um 4700 skráningar) og 18-29 ára (aukning um 4400 skráningar). 40-49 ára fjölgar um 2700 skráningar. Hópurinn 14 ára og yngri sýnir mestan og hraðasta vöxt í hlutfallslegum skráningum frá 2023 til 2025 sem skýrist af aukningu skráninga í skemmtiskokk eða um 107% yfir tímabilið sem samsvarar um 3100 fleiri skráningum. Götuhlaup: Þegar aldursflokkum er fækkað og þau sett í breiðari aldurskeið fæst skýrari mynd. Það sést að þegar kemur að götuhlaupum hefur lang mest aukning verið hjá ungu fólki 19-35 ára og hefur þessi hópur tekið fram úr næsta hópi 36-50 ára í fjölda. Utanvegahlaup: Þegar aldursflokkum er fækkað og þau sett í breiðari aldurskeið fæst skýrari mynd. Það sést að þegar kemur að utanvegahlaupum hefur lang mest aukning verið hjá ungu fólki 19-35 ára og styttist í að sá hópur verði fjölmennari en einstaklingar 36-50 ára Úthaldshlaup: Þegar aldursflokkum er fækkað og þau sett í breiðari aldurskeið fæst skýrari mynd. Það sést að þegar kemur að úthaldshlaupum má sjá að fjölgun í skráningu úthaldshlaupa hefur verið stöðug en er jöfn yfir aldurshópa með lítillegri hlutfallsaukningu hjá ungu fólki. Það eru þó einstaklingar á aldreinum 36-50 sem eru fjölmennastir. Aldur, kyn og vegalengdir: Þátttaka fullorðinna (18+) í hlaupum einkennist af mikilli áherslu á stuttar vegalengdir, þar sem aldursflokkurinn 30-39 ára er mest áberandi, sérstaklega í stuttu hlaupunum. Langflestir þátttakendur, óháð kyni eða aldri, velja Stutt hlaup (≤10.5 km). Það bendir til þess að flestir séu annað hvort nýliðar, skemmtiskokkarar eða stundi hlaup sem viðbót við aðra líkamsrækt. Hækkandi aldur sýnir tengsl við lengri vegalengdir. Aldursflokkurinn 30-39 ára sýnir hæstu heildarþátttöku í öllum vegalengdaflokkum, þar á meðal í stuttum, miðlungs og löngum hlaupum. Konur hafa hæstu þátttökuna í stuttu hlaupunum í aldursflokkunum 30-39 og 40-49 ára. Þetta gefur til kynna sterka og mikla þátttöku kvenna í almennum hlaupaviðburðum. Þátttaka erlendra ferðamanna 2023-2025 Hlaupaferðamennska er sífellt að aukast hjá íslenskum hlaupurum. Hlauparar fara æ oftar erlendis til að hlaupa á erlendri grundu, boðið er upp á hlaupaferðir út um allan heim (til dæmis mun Hlaupadagskra.is bjóða upp á ferð í Svissnesku Alpana 3.-9.sept 2026). Til þess að skoða þróun erlendra hlaupara var farið í sömu gögn og skoðuð skráning þjóðernis við skráningu í hlaup 2023-2025. Þeir 5 viðburðir sem höfðu flesta erlenda þátttakendur árið 2025 voru: Reykjavíkurmaraþon Íslandsbanka Miðnæturhlaup Suzuki Gamlárshlaup ÍR 2025 Vormaraþon 2025 Hengill Ultra Trail 2025 Þátttakendur frá Bandaríkjunum (USA) eru langfjölmennastir en á eftir fylgja Bretland (GBR) og Þýskaland (DEU). Þessi þrjú ríki standa saman fyrir stærstum hluta af erlendri þátttöku. 5 fjölmennustu þjóðernin 2025 til að skrá þátttöku eru: Bandaríkin (USA) Bretland (GBR) Þýskaland (DEU) Pólland (POL) Frakland (FRA) Samtals hafa 89 þjóðerni skráð sig í hlaup á Íslandi síðan 2023 en þau voru 64 árið 2025. Tengsl við aðrar greiningar og alþjóðlegar skýrslur Til að setja niðurstöður ársskýrslu Hlaupadagskra.is í samhengi er gagnlegt að bera upplýsingarnar saman við aðrar óháðar heimildir: íslenska viðhorfskönnun frá Prósent frá ágúst 2025 og alþjóðlegar ársskýrslur frá Garmin og Strava frá desember 2025. Þótt þessar heimildir mæli ekki nákvæmlega sama viðfangsefni – annars vegar sjálfsmat og viðhorf, hins vegar skráningar og raunveruleg hreyfigögn úr hlaupaúrum og snjalltækjum – þá styðja þær í meginatriðum sömu heildarmynd: Hlaup eru í vexti um allan heim, yngri aldurshópar eru líklegri til að hlaupa og hreyfing er sífellt fjölbreyttari og samfélagslegri. Prósent: Hlaup sem útbreiddur lífsstíll og yngra fólk líklegra til að hlaupa Í könnun Prósents frá árinu 2025 kemur fram að 27% þjóðarinnar segjast stunda hlaup. Það áhugaverðasta og jákvæðasta í könnunni er ekki að helmingur Íslendinga hafi ekki áhuga á hlaupum eins og RÚV skellti fram sem fyrirsögn heldur hið gagnstæða að næstum helmingur allra landsmanna (46%) hlaupi eða langi til þess. Þá er jafnvel ennþá áhugaverða að skoða fólk yngri en 44 ára. 18–24 ára: 44% hlaupa + 26% hafa áhuga = 70% 25–34 ára: 38% hlaupa + 21% hafa áhuga = 59% 35–44 ára: 35% hlaupa + 23% hafa áhuga = 58% Það þýðir að um 62% svarenda á aldrinum 18–44 ára annað hvort hlaupa eða hafa áhuga á að byrja að hlaupa. Þessar niðurstöður falla vel að gögnum skýrslunnar Hlaupárið 2025, þar sem fjölgun í yngri aldurshópum er eitt af mest áberandi einkenna síðustu ára. Jafnframt styður könnun Prósents við niðurstöður ársskýrslunnar um almennt jafnt kynjahlutfall í hlaupum og að hlaup hafi fest sig í sessi sem breiður og aðgengilegur lífsstíll, ekki eingöngu keppnisíþrótt. Garmin: Aukning í hreyfingu og breiðari æfingamynstur Í Garmin Connect Data Report 2025 kemur fram að notendur Garmin hafi skráð fleiri æfingar en áður og að almennt sé aukning í reglulegri hreyfingu milli ára. Skýrslan sýnir einnig að fólk er í auknum mæli að stunda fleiri en eina tegund hreyfingar, þar sem hlaup, ganga, styrktarþjálfun og fjölbreyttar æfingar fara saman. Þessi þróun endurspeglast í niðurstöðum Hlaupársins 2025, þar sem sjá má mikinn fjölbreytileika í hlaupaviðburðum á Íslandi. Hlaup spanna allt frá stuttum og óformlegum skemmtiskokkum yfir í krefjandi utanvegahlaup, úthaldshlaup og alþjóðlega vottaðar keppnir. Gögnin benda til þess að hlaup séu oft hluti af fjölbreyttu hreyfimynstri frekar en einangruð iðkun. Strava: Ungir hlauparar, viðburðadrifin þátttaka og samfélagsleg hreyfing Í Strava Year in Sport Trend Report 2025 kemur fram að hlaup séu áfram vinsælasta íþróttin á Strava. Skýrslan dregur sérstaklega fram að yngri kynslóðir, einkum Gen Z (um það bil 13-28 ára), knýi áfram vöxt í hlaupum og keppnum og séu mun líklegri en eldri hópar til að láta viðburði og hlaupamarkmið vera helstu hvatningu til æfinga. Strava-skýrslan leggur einnig áherslu á aukinn samfélagsþátt hreyfingar, þar sem hlaupahópar, klúbbar og sameiginleg þátttaka í viðburðum skipta sífellt meira máli. Þetta samræmist vel niðurstöðum ársskýrslunnar, þar sem mikill fjöldi fjölbreyttra hlaupaviðburða, víðsvegar um landið og allt árið um kring, virðist vera einn helsti drifkraftur aukinnar þátttöku. Það kemur einnig fram í skýrslu strava að íþróttaiðkendur á höfuðborgarsvæðinu (Greater Reykjavík) séu fremst í heiminum að æfa í öllum aðstæðum hvort sem það er bullandi heitt eða ískalt (And weather proved no obstacle for dedicated Strava users in Riau Islands, Indonesia and Greater Reykjavík, Iceland leading the charge in scorching heat and freezing cold, respectively) hvað sem það þýðir nákvæmlega. Samantekt Þegar niðurstöður Hlaupársins 2025 eru bornar saman við rannsóknir Prósents og alþjóðlegar gagnaskýrslur Garmin og Strava blasir við skýr samhljómur. Hlaup eru í hraðri sókn, þátttaka eykst milli ára, yngri aldurshópar eru sífellt virkari og hreyfingin sjálf verður fjölbreyttari og samfélagslegri. Þessar óháðu heimildir styrkja því áreiðanleika niðurstaðna ársskýrslunnar og staðfesta að þróunin sem greind er í íslenskum hlaupaviðburðum er hluti af stærri og víðtækari hreyfingu í samfélaginu um allan heim. Fyrirvarar Skýrslan Hlaupárið 2025 – hlaupadagskra.is byggir á samantekt gagna sem safnað var jafnt og þétt yfir árið 2025, með endanlegum gögnum fengnum í lok árs. Gagnaöflun og úrvinnsla tók umtalsverðan tíma og fól í sér samræmingu upplýsinga frá fjölbreyttum heimildum, þar á meðal viðburðahöldurum, skráningarkerfum, opinberum upplýsingagrunnum og handskráðum upplýsingum. Þrátt fyrir vandaða yfirferð og samræmingu gagna geta verið til staðar eðlilegar skekkjur vegna ófullkominna eða ósamræmdra gagna, handskráninga, mismunar á skráningum og raunverulegri mætingu í hlaup, sem og takmarkana í aðgreiningu einstaklinga af persónuverndarástæðum. Við úrvinnslu gagna voru jafnframt nýtt sjálfvirk verkfæri og gervigreindartól til greiningar og flokkunar gagna. Þótt slík verkfæri auki skilvirkni getur í einstaka tilvikum hafa orðið einföldun eða rangtúlkun upplýsinga. Allar niðurstöður voru þó yfirfarnar eftir fremsta megni. Niðurstöður skýrslunnar eru engu að síður taldar veita greinargóða og raunhæfa mynd af þróun, umfangi og eðli hlaupa á Íslandi árið 2025, innan eðlilegra skekkjumarka, og eru ætlaðar sem grundvöllur fyrir greiningu, umræðu og áframhaldandi þróun gagnaöflunar og greiningar næstu árin. Hugmyndir að frekari greiningum Í þessarri greiningu var ekki hægt að skoða skráningar eða þátttöku niður á einstaklinga. Fróðlegt væri að geta svarað spurningunni hversu margir einstaklingar liggja að baki hlaupasamfélagsins og skoða einstaklinga nánar. Hver eru eftirfylgni áhrif einstaklinga? Taka þeir þátt í sama hlaupi á hverju ári? Hversu mörgum hlaupum taka þátttakendur í? Eru einstaklingar að lengja, færa sig á milli tegunda eða viðhalda vegalengdum? Hver er raunveruleg nýliðun og/eða fráhvarf í hlaupum milli ára? Heimildir Garmin. (2025, December 3). 2025 Garmin Connect data report. https://www.garmin.com/en-US/blog/general/2025-garmin-connect-data-report Prósent. (2025, August 20). 27% þjóðarinnar hlaupa. Prósent https://prosent.is/27-thjodarinnar-hlaupa/ Strava. (2025, December 2). Strava releases 12th annual Year in Sport: Trend report 2025, revealing that doomscrolling is out, movement is in. https://press.strava.com/articles/strava-releases-12th-annual-year-in-sport-trend-report-2025

OOPS! There is nothing here! The website you are looking for is not here. Check the URL, or go back to the homepage. Back to front page

Hver er þín uppáhalds hlaupaleið? Hjálpaðu okkur að skrá skemmtilegar hlaupaleiðir á Íslandi. What is your favorite running route? Nafn Hlaupahópur / Íþróttafélag / Annað Netfang Nafn á hlaupaleið Skrifaðu stutta lýsingu eða tengil á track á hlaupaleiðinni sem er þitt uppáhald og kannski aðeins af hverju hún er uppáhalds. Senda inn Takk fyrir að senda inn hlaupaleið!

Við sérhæfum okkur í 360° upptökum af hlaupa-, gönguleiðum, hlaupaviðburðum og íslenskri náttúru– fullkomið markaðsefni fyrir kynningu til gesta og þátttakenda. 360° sýn er sögu ríkari 360° recording service VIRTUAL EXPERIENCE LIKE YOU ARE THERE We specialize in 360° footage of running, hiking trails, running events and Icelandic nature – perfect marketing material for presentations to guests and participants. A 360° view is richer in history 360° recordings First-person (POV) footage of the running route, race course, and atmosphere Recordings from selected locations or areas Image processing, editing, text and GPX tracks Course and track presentations 360° course recording and route overview Race day, race day videos Virtual Reality VR Promotional Videos Can be published on your own website and on hlaupadagskra.is Marketing & distribution Distribution of 360° videos on YouTube channel 360 Runs Iceland Instagram Reels, Facebook and other social media Custom introductions or trailer videos Visibility, expos and events Visibility on hlaupadagskra.is / 360Runs.com Presentation for foreign guests and participants Materials for EXPO stands and presentations Why 360° videos? For event organizers for domestic marketing Increased visibility of conditions and events in the growing running environment Help participants prepare and understand the situation and conditions. Content for social media and websites Joint promotion with hlaupadagskra.is and foreign parties through 360° Runs Iceland Introduction beyond borders Introducing trail in a unique way Introduce routes and events to foreign participants Collaboration in promoting the Icelandic running community at exhibitions and online Request more information Submit Thanks for submitting!

Utanvegahlaup skafkort 43 utanvegahlaup með skafanlegum merkjum Upplýsingar um öll hlaup er að finna á hlaupadagskra.is Utanvegahlaup skafkort 1/4 Utanvegahlaup skafkort Utanvegahlaupakortið er fallegt og hvetjandi skafkort sem inniheldur öll utanvegahlaup ársins á Íslandi röðuð eftir árstíma og landshlutum. Hlaupin eru 42 af öllum stærðum og gerðum, við hvert hlaup er einstök mynd fyrir það hlaup falið bak við silfur-skafreit. 👉 Skafðu af þeim hlaupum sem þú hefur tekið þátt í. 👉 Settu þér markmið að uppgötva nýja staði og ný ævintýri í stórkostlegu landslagi Íslands. Veggspjaldið er handteiknað og hannað af listakonunum Amy Alice Riches og Ragnheiði Ástu Valgeirsdóttur hjá ARRA hönnunarstúdíó, með natni og ástríðu fyrir útivist og fagurfræði. Veggspjaldið er íslenskt fram í fingurgóma, hannað, framleitt og pakkað á Íslandi. Fullkomin gjöf fyrir hlaupara, náttúruunnendur og alla sem elska að setja sér ný markmið! Stærð A2 (420x594 mm) Söluverð 8.990.- m.VSK. Sending með Dropp 990 kr. Fyrsta upplag, 50stk verða afgreidd vikuna 16.-18.desember. Fyrstir panta, fyrstir fá. Panta eintök Hlaupin á veggspjaldinu eru: Puffin Run, Akrafjall UItra , Stjörnuhlaupið, Hraunhlaupið, Mýrdalshlaupið, Hengill Ultra, Hvítasunnuhlaupið, Álafosshlaupið, Gullspretturinn, Mt. Esja Ultra, Bláskógarskokkið, Snæfellsjökulshlaupið, Sólstöðuhlaupið, Hólmsheiðarhlaupið, Öræfahlaupið, Iceland Volcano Marathon, Hafnarfjall Ultra, Þorvaldsdalsskokkið, Dyrfjallahlaupið, Jarðvarmahlaupið, Laugavegshlaupið, Vesturgatan, Fjögurra skóga hlaupið, Snæfellshlaupið, Botnvatnshlaupið, Vatnsnes Trail Run, Pósthlaupið, Kerlingarfjöll Ultra, Súlur Vertical, Austur Ultra, Grindavik Volcanic, Molduxi trail, Rauðavatn Ultra, Fimmvörðuhálshlaupið, Reykjavík Trail, Trékyllisheiðin, Fjarðarhlaupið, Grindavik Volcanic, Tindahlaupið, Þórsgötuhlaupið, Vatnsendahlaupið, Eldslóðin og Heiðmerkurhlaupið.

About hlaupadagskra.is Why a new Icelandic running website? On hlaupadagskra.is you can now find a complete list of all confirmed and unconfirmed races in Iceland. The basic idea is to compile in a simple list key information from all events that can be called running events, whether they are certified competitive road races, ITRA off-road races or just organized events for a good cause. The races are categorized, with links to further information pages, registration pages and social media. This first version of the site is not great, but at least it has complete information about all the running-related events in 2025, which are many. Our goal with hlaupadagskra.is is to fulfill the desire of runners to see all races throughout the year in one place and be able to search and filter in an accessible way. Races are marked “confirmed, registration open” and such if the event organizers have announced such but “Unconfirmed” or “until there is a correct timing or the race will not be held. The website is run by two runners with a passion for running without any direct connection to any specific company or event, so the support of the running community is important. Óskar Þór and Tommi are sometimes called the "shorts brothers" as they are easily recognizable in their shorts all year round. We are interested in collaboration! Please contact us if you have collaboration ideas or have suggestions. Nafn / Name Company / Fyrirtæki Email Skilaboð / Message Send Takk fyrir að hafa áhuga!

Utanvega hlaupaferð til í Sviss. Farið verður til Kandersteg í Svissnesku Ölpunum haustið 2026 með hlaupadagskra.is Hlaupaferð til Sviss 2026 Hlaupaferð til Kandersteg í Svissnesku Ölpunum með hlaupadagskra.is dagana 3. - 9. september 2026. Komdu með og upplifðu Svissnesku alpana eins og þeir gerast bestir. Sala í ferðina hefst í janúar. Forskráningar tryggja pláss. Forskráning Kandersteg - Svissnesku Alparnir Kandersteg er fjallaþorp á Bernese Oberland svæðinu í Sviss í um 1200m hæð. Kandersteg er sannkölluð útivistarparadís þar sem hægt að ganga ótal leiðir um stórbrotið alpaumhverfi. Í þessari náttúruperlu Sviss er meðal annars hægt að heimsækja hið undurfagra Oeschinensee, sem er á heimsminjaskrá UNESCO, og heimsækja Blausee vatnið. Svæðið er þekkt fyrir ríka sögu í fjallgöngum og alpaklifri sem gaman er að kynna sér og upplifa um leið töfrandi fegurð svissnesku Alpanna. Þessa ferð er einnig hægt að aðlaga að minni eða stærri hópum, svo sem hlaupahópum. Lykilupplýsingar Ferðaupplýsingar Lengd: 6 nætur, 7 dagar Dagsetning: 3. - 9. sept 2026 Hópastærð: 10 -24 manns Fararstjórar: Óskar Þór og Tómas G Kynningarverð: 230.000.- kr. Hlaupadagar Fjórir hlaupadagar, einn frídagur Dagur 1: Oeschinensee (12km) Dagur 2: Sonnbühel og Gasterntal (17km) Dagur 3: Blausee (9km) Dagur 4: Frídagur Dagur 5: Alpenshelehubel (15km) Samtals um 54 km, hægt að stytta eða lengja. Gisting Hotel Victoria Kandersteg, virðulegt hótel í miðju bæjarins. Gisting í tvíbýli (einbýli mögulegt) Innilaug, sauna og spa. Veitingastaður og bar. Morgunverðarhlaðborð innifalið. Mögulegt að uppfæra double-room upp í suite. Hver dagur byrjar og endar á hótelinu. Innifalið og ekki Innifalið : Gisting í 6 nætur, 4 hlaupadagar, lokakvöldverður, fararstjórn, kláfar, Blasee aðgangsmiði, strætófargjald, undirbúningsfundur, handbók og 360° myndbönd. Ekki innifalið: Flug, ferð til Kandersteg, bílastæði, aðrar máltíðir eða afþreying, alpa-slysatrygging, eSim eða annar ferðakostnaður. Um ferðina Fyrir hverja er ferðin? Ferðin er miðlungskrefjandi og þarf fólk að vera í góðri þjálfun til að þola að vera lengi á fótum nokkra daga í röð. Æskilegar æfingar eru fell og fjöll svo sem Úlfarsfell, Esja því fæstir stígar í Ölpunum geta talist flatir. Í ferðinni eru fjórir hlaupadagar og einn frjáls dagur. Hlaupaleiðirnar eru frá 10-20km með allt að 1.100m hækkun. Þau sem það kjósa geta sleppt hlaupadegi og notið þess sem Kandersteg hefur upp á að bjóða. Eins verður einn frjáls dagur sem fólki gefst kostur á að verja að vild, m.a. er hægt að leigja sér hjól eða fara í göngutúr á eigin vegum, skella sér í Rundbahn og ViaFerrata eða taka lest til nálægra borga og bæja eins og Spiez, Interlagen eða Bern. All skipulag ferðarinnar miðast út frá að hver dagur hefjist og endi við hótelið. Þrír hlaupadagar hefjast á því að farið er upp í fjallasal með kláfi. Þar er hlaupinn hringur og síðan niður í bæinn. Mögulegt er að stytta dagleiðirnar með því að taka kláfinn niður aftur. Einn hlaupadaginn er hlaupið frá hótelinu niður fjalladalinn að Blausee. Ferðatilhögun Ferðin hefst í Kandersteg 3.sept og er fyrsti hlaupadagur 4.sept. Algengast er að flogið sé til Zurich t.d. 3.sept. Aðrir nálægir flugvellir eru Basel, Genf og Milano. Almenningssamgöngur og lestar eru góðar. Best er að kaupa lestarmiða með SBB og halda utan um miðana í appi. Ferðafélagar sem ekki hlaupa velkomnir Velkomið er að taka með sér ferðafélaga sem ekki ætlar að hlaupa. Ferðafélagar geta komið með í kláfinn að morgni og farið í eigin göngutúra eða afþreyingu svo sem fjallahjól og farið aftur niður í kláfnum þegar þeir vilja. Slíkir ferðafélgar geta fengið góðar leiðbeiningar um gönguleiðir og afþreyingu frá fararstjórum fyrir hvern dag. Sama gjald er fyrir alla í ferðina. Farastjórn Óskar Þór Þráinsson Óskar Þór, upplýsingafræðingur, er vanur fjallahlaupari og skáti sem hefur mikla reynslu af hlaupum og hefur á síðustu árin dvalið löngum stundum á fjallastígum í Sviss, meðal annars með Skátahópum í skipulögðum ferðum göngum og hlaupum. Nú langar hann að kynna þetta skemmtilega leiksvæði fyrir íslenskum fjallahlaupurum. Tómas G. Gíslason Tómas G., líffræðingur, er vanur fjallahlaupari og fyrrverandi landsliðsmaður í áströlskum fótbolta. Hann hefur mikla reynslu af fjallabrölti og næmt auga fyrir náttúrunni enda lærður náttúrulífsljósmyndari. Saman hafa þeir Óskar og Tómas brasað ýmislegt utanvega og innan og tryggja að allir í ferðinni upplifi öryggi og hafi gaman. Belle Epoque Hotel Victoria Gist verður í tvýbýli (double-room) á glæsilegu alpahóteli í Kandersteg allar næturnar og er morgunmatur innifalinn. Hotel Victoria Kandersteg er virðulegt hótel í miðju bæjarins með innilaug, sauna og spa ásamt veitingarstaðar og bars. Morgunverðarhlaðborð er innifalið. Mögulegt er að uppfæra tvíbýli upp í svítu (suite) fyrir samtals 60 þús. Hægt er að athuga með einstaklingsherbergi ef þörf er á. Fjallasalurinn er alveg magnaður og verður ferðin ógleymanlegt ævintýri. Áherslan verður á að njóta og verja deginum saman í grænni náttúru og fallegu útsýni við himinblá vötn og vegi. hotel-victoria.ch Verð og innihald Verðskrá 2026: Kynningarverð 2026: 230.000.- Verð með uppfærslu á herbergi (suite): 290.000.- Staðfestingargjald 65.000.- (ekki endurgreiðanlegt eftir að ferðin er staðfest en nafnabreyting heimil) Innifalið í verði: Gisting í 6 nætur í double room með morgunmat á 3 stjörnu alpa hóteli 4 hlaupadagar að meðaltali 4-6 tímar Sameiginlegur lokakvöldverður Fararstjórn Miði í 3 kláfa og Blaasee aðgangsmiði Strætófargjald frá Blaasee á Hótel Undirbúningsfundur með fararstjórum Handbók um Kandersteg og nálæg svæði 360° myndband af ferðinni á Youtube Ekki innifalið í verði: Flug til Sviss Ferðir til og frá flugvelli til Kandersteg Bílastæði við Hótel Máltíðir sem ekki eru taldar upp Afþreying á hvíldardegi Alpatrygging björgunarsveita (https://www.rega.ch/ mjög æskilegt en ekki skylda) eSim eða gagnamagn fyrir snjalltæki (Sviss er ekki í reiki samningi EU) Ferðakostnaður annar en tekinn fram Önnur þjónusta sem ekki er tekin fram Forskráning Dagur 1: Oeschinensee Föstudagur 4. sept Gengið/Skokkað frá hóteli að kláfi ca 700m. Hlaupið upp á efri brún fyrir ofan vatn að fjallaskála, síðan niður að vatni þar sem stoppað er í klukkutíma og hægt að gæða sér á ýmiskonar veitingum í fjallaskála. Síðan hlaupið niður eftir á hótel. Vegalengd 12km. Hækkun 380m. Lækkun 800m Dagur 2: Sonnbühel og Gasterntal Laugardagur 5. sept Gengið, skokkað eða strætó að kláfi inni í dal. 3km. Hlaupinn hringur um Sonnbühel og upp að Berhoteli Schwarenbauch þar sem er stoppað og hægt að fá sér kaffi og meððí. Síðan niður fjallaeinstigi eftir ógnarfagri leið í Gasterntal skóg áður en haldið er áfram niður í Kandersteg og til baka . Vegalengd 17km. Hækkun 380m. Lækkkun 900m. Hægt að stytta í 10km. Dagur 3: Blausee Sunnudagur 6. sept Hlaupið af stað frá hóteli upp á Höhe útsýnisstaðinn yfir Kandersteg. Síðan hlaupið niður dalinn eftir jökulá að Blausee þar sem hægt er að eyða restinni af deginum og nóta í frábærum “skemmti”náttúrugarði innan um fiska og leiksvæði. Strætó tekinn heim eða hlaup fyrir áhugasama hinum megin við ána. Vegalengd 9.5km. Hækkun 209m. Lækkun 500m. Dagur 4: Frídagur Mánudagur 7. sept Fólki gefst kostur á að verja að vild, m.a. er hægt að leigja sér hjól eða fara í göngutúr á eigin vegum, skella sér í Rundbahn, ViaFerrata eða taka lest til nálægra borga og bæja eins og Spiez, Interlaken eða Bern. Dagur 5: Alpschelehubel Þriðjudagur 8. sept Gengið/Skokkað að kláfi frá hóteli, ca 1,5km. Fallegur fjallasalur skoðaður með beljur á beit. Farið upp á hæsta punkt ferðarinnar við Alpschelehubel í 2200m hæð. Skokkað niðureftir gegnum langan dal og niður í Kandersteg að hóteli. Vegalengd 15km. Hækkun 589m. Lækkun um 1000m. Fyrirspurnir varðandi ferðina er hægt að senda á oskar@hlaupadagskra.is Forskráning

Netverslun hlaupadagskrá - veggspjöld skafkort og hlaupaferðir Hlaupaverslun Utanvegahlaup skafkort Utanvegahlaupakortið er fallegt og hvetjandi skafkort (í stærð A2) sem inniheldur öll íslensk utanvegahlaup ársins sem raðað er eftir tímaröð og landshlutum. Á kortinu eru 42 utanvega hlaup af öllum stærðum og gerðum, hvert með sínu sérhannaða merki, falið bak við silfur-skafreit. Verð: 8990kr m.vsk. (+ 990kr. DROPP sending) Skafkort Hlaupaferð Hlaupaferð í Svissneska Alpana - september 2026 Komdu með til Kandersteg í Sviss með hlaupadagskra.is dagana 3.-9. september 2026 og upplifðu Svissnesku alpana eins og þeir gerast bestir. Kandersteg er sannkölluð útivistarparadís þar sem hægt að ganga ótal leiðir um stórbrotið alpaumhverfi. Í ferðinni eru fjórir hlaupadagar og einn frjáls dagur. Hlaupaleiðirnar eru frá 10-20km með allt að 1.100m hækkun. Skafkort Hlaupaferð

Hlaupadagskra.is - Heildarlisti yfir öll götu- og hlaup á Íslandi. Finndu götuhlaup, utanvegahlaup, náttúruhlaup og meira, allt frá skemmtiskokkum í últramaraþona í einstöku umhverfi. Skipuleggðu næsta ævintýri með auðveldum hætti. Distance Filter Type Status Region Month ITRA Certification 360° View on map Date Run KM Type Certification Region 360° Status List of all confirmed and unconfirmed races in one place. Race information comes from the race organizers' websites. Confirmed races have been announced with dates. Unconfirmed races have not been announced this year but are scheduled on a probable date based on last year's race. All information is published with the reservation of errors and changes to races. Always check with the race organizers for the latest information. The list is updated as information is received. Running.is A center of information and knowledge for all those involved in running to any extent. Registrations, courses, results and running groups, race ratings and more Netskraning.is Timataka.is Timing specializes in timing with chip timing devices from MyLaps. Timataka has handled timekeeping in the following disciplines: road running, cross-country running, cross-country skiing, cycling, swimming and dog sledding. ITRA Race Calendar List of all races that have received confirmed ITRA points. Searchable by country and season. Also running results. Runners in Iceland Ticket exchange FRÍ Certified Overview Subscribe to the mailing list Do you want to receive news and information? Sign up for the hlaupadagskra.is mailing list Netfang Skráning

We can’t find the page you’re looking for This page doesn’t exist. Go to Home and keep exploring. Go to Home

Hlaupadagskra.is - Heildarlisti yfir öll götu- og hlaup á Íslandi. Finndu götuhlaup, utanvegahlaup, náttúruhlaup og meira, allt frá skemmtiskokkum í últramaraþona í einstöku umhverfi. Skipuleggðu næsta ævintýri með auðveldum hætti. Vegalengd Sía Tegund Staða Landsvæði Mánuður ITRA Stig FRÍ mælt 360° *List of all confirmed and unconfirmed races in one place. Race information comes from race organizer's websites. Confirmed races have been announced with dates. Unconfirmed races have not been announced this year but are scheduled on a probable date based on last year's race. All information is subject to errors and changes to races. Always check with the race organizers for the latest information. The list will be updated at least monthly. Hlaup.is A center of information and knowledge for all those involved in running to any extent. Registrations, courses, results and running groups, race ratings and more Netskraning.is Timataka.is Timing specializes in timing with chip timing devices from MyLaps. Timataka has handled timekeeping in the following disciplines: road running, cross-country running, cross-country skiing, cycling, swimming and dog sledding. ITRA Race Calendar List of all races that have received confirmed ITRA points. Searchable by country and season. Also running results. Runners in Iceland Ticket exchange FRÍ Certified Overview

Hlaupadagskra.is - Heildarlisti yfir öll götu- og hlaup á Íslandi! Finndu götuhlaup, utanvegahlaup, náttúruhlaup og meira, allt frá skemmtiskokkum í últramaraþona í einstöku umhverfi. Skipuleggðu næsta ævintýri með auðveldum hætti. A list of all confirmed and unconfirmed races in Iceland one place. Races that were held last year but have not been advertised this year are listed as unconfirmed but are sorted by probable date based on last year. The list will be updated as information is available. All information is published with the reservation that errors and changes may occur. Always check with the race organizer for the latest information. Hlaupadagskra.is is hosted by: 360°Runs Iceland to support crowdfunding projects on Karolinafund.com . Thanks are appreciated in the form of pledges to the project here Experience Icelandic nature with a 360° view The beauty of Iceland – in 8K and 360° videos on YouTube Support the project Upplýsingar Subscribe to the mailing list Do you want to receive news and information? Sign up for the hlaupadagskra.is mailing list Netfang Skráning